Í samstarfi við Birtingahúsið kynnum við með stolti, gagnvirku herferðina okkar fyrir Orkusöluna, "Stuðkveðjur". Þessi skemmtilega og rafmagnaða herferð gerði almenningi kleift að stjórna skilaboðum á umhverfisskiltum um allt land. Með því að fara á vefsíðu Orkusölunnar gátu notendur sent persónulegar kveðjur eða almenn skilaboð sem birtust á auglýsingaskiltum víðsvegar um landið, en hægt var að velja það bæjarfélag eða hverfi sem skilaboðin birtust í.
Herferðin vakti mikla athygli og fjölmargir tóku þátt með því að senda inn jákvæð skilaboð. Stærstu útvarpsþættirnir, stjórnmálamenn, tónlistarfólk og fleiri þekktir einstaklingar nýttu tækifærið til að koma á framfæri stuðkveðjum sínum.
"Stuðkveðjur" er auðvitað leikur að orðum sem sameinar rafmagnið og gleðina sem Orkusalan veitir. Með því að nýta 100% endurnýjanlega orku, er Orkusalan eina kolefnishlutlausa raforkusölufyrirtækið á Íslandi. Þessi herferð snýst því ekki bara um að senda kveðjur, heldur einnig um að dreifa jákvæðni og gleði í samfélaginu með umhverfisvænum hætti.
Gagnvirkni í auglýsingaherferðum er ein af fjölmörgum lausnum sem Púls kerfin bjóða uppá, en annað dæmi um gagnvirkni í auglýsingarherfðum var t.d. verðlauna-herferðin "Elskum Öll fyrir NOVA". Með Púls kerfinu geta viðskiptavinir nýtt sér snjallar lausnir til að hámarka árangur auglýsinga sinna. Snjallborðar Púls Media gera framleiðslu og dreifingu auglýsinga einfaldari og árangursríkari, og gera notendum kleift að skila persónulegum og áhrifaríkum skilaboðum á einfaldan hátt.
