Annað verkefni unnið í samstarfi við Digido fyrir Origo, eitt stærsta tæknifyrirtæki landsins. Verkefnið er Snjallborði með skruni sem sýnir vörur fyrir Lenovo og fleiri vöruflokka og vörumerki hjá Origo með áherslu á tilboð og nýjungar.

Vörur á hreyfingu

Skrunborðinn okkar er hannaður til að birta upplýsingar um áhersluvörur Lenovo hverju sinni á einfaldan og aðlaðandi hátt. Með skrunvirkni geta notendur auðveldlega skoðað mismunandi vörur sem eru í boði, ásamt upplýsingum um verð og tilboð.

Sjálfvirkni sem sparar tíma og eykur árangur

Borðinn er beintengdur við viðskiptakerfi Origo og birtir því aðeins þær vörur sem eru til á lager en sú sjálfvirkni ein og sér sparar gríðarlega mikla vinnu og fyrirhöfn við framleiðslu og dreifingu auglýsinga þar sem vörur og verð eru auglýst. Þetta lágmarkar einnig hættuna á mannlegum mistökum, þar sem allar upplýsingar eru uppfærðar í rauntíma og tryggja að þær séu alltaf réttar.

Þetta verkefni hefur sýnt fram á hvernig tæknin og sköpunargleðin hjá Púls Media geta sameinast til að búa til áhrifaríkar og nýstárlegar auglýsingalausnir. Við hlökkum til að vinna áfram með Origo og Digido að fleiri snjöllum og skapandi auglýsingalausnum sem munu hjálpa þeim að ná til enn fleiri viðskiptavina og auka þátttöku í netverslun Origo og Lenovo.