„Púls hefur hjálpað mikið í okkar vexti“

Ég stofnaði Digido ásamt Arnari Gísla félaga mínum í september 2018. Á þessum sex árum hefur þróunin innan okkar fyrirtækis verið hröð líkt og þróun auglýsinga og birtingamarkaðar sem tekur sífelldum breytingum og því mikilvægt fyrir okkur að vera á tánum og fylgjast vel með gangi mála. Hlutverk mitt hefur því verið að þróa okkar vörur og þjónustu í takt við síbreytilegan markað og gæta þess að við skilum raunverulegu virði til okkar viðskiptavina.

Rauði þráðurinn í þjónustu og framtíðarsýn Digido hefur verið skýr frá uppafi: að taka gagnadrifnar ákvarðanir.

Fyrst var okkar þjónusta bundin við að kaupa birtingar og stilla af herferðir á erlendum auglýsingamiðlum þar sem áherslan var á gögn og hvernig við getum nýtt þau sem best til að taka betri og skilvirkari ákvarðanir í markaðsaðgerðum okkar viðskiptavina.

Þegar við síðan byrjuðum að dýfa tánum í innlendar birtingar var markmiðið okkar alltaf að halda okkar gagnadrifnu nálgun áfram. En það var hægara sagt en gert þar sem við lentum í ýmsum hindrunum varðandi notendaviðmót og takmarkaðra möguleika í þeim kerfum sem voru í boði fyrir okkur á þessum tíma. Það var því bókstaflega alger himnasending þegar við sáum Púls kerfið, í rauninni bara þegar það var ennþá í þróunarfasa.

Möguleikarnir sem Púls kerfið býður upp á var eitthvað sem við höfðum ekki séð áður, hvorki í innlendum né alþjóðlegum lausnum.

Það passaði fullkomlega við framtíðarsýn okkar, sérstaklega hvað varðar uppsetningu, stjórnun og utanumhald á auglýsingum og herferðum á vefmiðlum, umhverfismiðlum og framleiðslu efnis fyrir samfélasgsmiðla. Óvæntur en mikilvægur bónus var síðan að þessi frábæra sjónræna framsetning gagna og heildar-notendaviðmótið í Púls - eitthvað sem við sjáum ekki einu sinni í Meta eða Google kerfunum.

Þessi sjónræna framsetning í viðmóti Púls hjálpar okkur gríðarlega að geta séð skilvirkt og hratt hvað er að virka og hvað ekki í herferðum viðskiptavina okkar, sem gerir okkur kleift að bregðast miklu hraðar við við mat á árangri herferðar, bregðast við og gera breytingar í rauntíma á meðan herferðin er í gangi, án þess að þurfa að eiga samskipti við auglýsingamiðilinn sjálfan.

Það er engin spurning að Púls hefur haft veruleg áhrif og hjálpað í vexti okkar sem fyrirtækis, sérstaklega í innlendum birtingum.

Snjallborðanir hafa líka skipt sköpum, þar erum við t.d. að sjá nýjan mælikvarða til að meta gæði efnis í herferðum. Áður horfðum við eingöngu á mælikvarða eins og smellihlutfall, en nú getum við séð fleiri mælikvarða til þess að meta áhuga notenda á auglýsanda og vörum, jafnvel þótt notandinn smelli ekki. Þetta hefur gefið okkur miklu breiðari og sterkari vettvang til að nálgast birtingar innanlands með svipaðuðum hætti og við höfum unnið með á Google og Meta.

Ég er afskaplega spenntur fyrir framtíð birtinga og sé fyrir mér að sjálfvirknimöguleikar Púls verði fleiri og mögulega enn meira í átt að því að draga úr beinum samskipti milli birtingahúsa og auglýsingamiðla. Allar bókanir og birtingakaup gætu farið fram með sjálfsafgreiðslu innan Púls kerfisins - ekki bara á vef og útimiðlum eins og Púls hefur núþegar leist, heldur líka í útvarpi og sjónvarpi.

Framtíð birtinga og sjálfvirknivæðingar er björt og ég hlakka til að sjá og fylgjast áfram með því hvernig Púls heldur áfram sinni nýsköpun.