Við hjá Púls erum ánægð að kynna fyrsta samstarfsverkefnið okkar með Sahara, fyrir Miklaborg, eina af stærstu fasteignasölum Íslands. Verkefnið felur í sér þróun á Snjallborða með skruni (Skrunborði) sem sýnir opin hús með viðeigandi upplýsingum um tímasetningar og fasteignirnar sjálfar.

Nýstárleg Lausn fyrir Fasteignamarkaðinn

Skrunborðinn okkar er hannaður til að birta upplýsingar um opin hús á einfaldan og aðlaðandi hátt. Með skrunvirkni geta notendur auðveldlega skoðað mismunandi fasteignir sem eru í boði, ásamt upplýsingum um staðsetningu, tímasetningu opins húss, fjölda herbergja, fermetra og verð.

Sjálfvirkni sem sparar tíma og eykur árangur!

Sjálfvirknin í þessari lausn er einstök. Með því að uppfæra borðann sjálfkrafa sparast mikill tími og fyrirhöfn fyrir Mikluborg og Sahara. Þetta lágmarkar einnig hættuna á mannlegum mistökum við framleiðslu auglýsingar þar sem allar upplýsingar eru uppfærðar í rauntíma með beintengingu við fasteignakerfi Mikluborgar og tryggir að þær séu alltaf réttar.

Betri árangur

Skrunborðinn hefur núþegar sýnt að hann skilar talsvert meiri árangri þar sem notendum finnst gaman að skoða fasteignir og skruna innan borðans. Með mörgum fasteignum auglýstum í hverri birtingu eykur það möguleikann á smelli margfalt.

Við erum ótrúlega ánægð með þessa lausn og teljum að hún muni hjálpa Mikluborg að ná til fleiri viðskiptavina og auka sýnileika þeirra á netinu. Sjálfvirknin í þessu verkefni er frábær og sýnir hvernig tæknin getur gert auglýsingastjórnun einfaldari og árangursríkari.